Pangulong Marcos, nasa US na para sa working visit; 3 miyembro ng gabinete, itinalagang caretakers ng gobyerno

NASA New York na si Pangulong Ferdinand “Bongbong” Marcos para sa dalawang araw na working visit sa Estados Unidos.

Umalis ng bansa ang pangulo kahapon ng 10:22 A.M.

Magtatagal si Marcos sa US hanggang sa Miyerkules, March 11.

Una nang inihayag ni Department of Foreign Affairs (DFA) Spokesperson Angelica Escalona na nakapaloob sa biyahe ng pangulo sa New York ang high-level engagements sa United Nations (UN).

Sinabi ni Escalona na hihimukin ni Pangulong Marcos ang mga partidong sangkot sa kaluguhan sa Middle East na bumalik sa negotiating table.

Makikipagpulong din ang punong ehekutibo kay UN Secretary-General Antonio Guterres sa sidelines ng kanyang US visit at lalahok sa opening ng 70th Session ng UN Commission on the Status of Women.