IREREKOMENDA ng Philippine Ports Authority (PPA) ang kanselasyon ng Jose Panganiban, Camarines Norte Port Improvement Project Auction, dahil sa posibleng pagbabago sa lokasyon at disenyo ng proyekto.
Sa notice na nilagdaan ni PPA General Manager Jay Daniel Santiago, inihayag ng regulator na ipinagpapaliban ang auction, until further notice.
Sinabi ng PPA na kailangang kanselahin ang bidding at iba pang procurement activities ng proposed project dahil sa on-going evaluation ng posibleng bagong lokasyon ng proyekto, plano, disenyo at halaga ng proyekto.
Noong Enero ay naglaan ang PPA ng 2.11 billion pesos para pagandahin ang Jose Panganiban Port upang maging akma para sa pagseserbisyo nito sa Offshore Wind Industry.
