NAKIISA si Calbayog City Mayor Raymund “Monmon” Uy sa “Walang Gutom 2027: Food Stamp Program Redemption Day ng Department of Social Welfare and Development (DSWD) na ginanap sa Calbayog City Sports Center.
Ang aktibidad ay isang malaking hakbang sa layunin ng pamahalaan na matugunan ang food insecurity at matiyak ang kapakanan ng mahihirap na pamilya sa lungsod.
Ang presensya ni Mayor Mon sa event ay patunay ng kanyang commitment na suportahan ang mga inisyatiba ng DSWD at masigurong magtatagumpay ang Food Stamp Program.
Nagpasalamat ang alkalde sa pagsisikap ng programa na magbigay ng food assistance sa mga nangangailangan, upang mabawasan ang kagutuman at maisulong ang food security sa komunidad.
