13 February 2025
Calbayog City
Local

Dengue Assessment sa Calbayog City, pinangunahan ng mga Lokal na Opisyal

PINANGUNAHAN ni Calbayog City Mayor Raymund “Monmon” Uy ang City Health Officials, at Barangay Officials, ang Dengue Assessment sa Calbayog City Health Office sa Sitio Talahib sa Barangay Trinidad.

Binigyang diin sa aktibidad ang kahalagahan ng information dissemination, community engagement, at protective measures upang malabanan ang dengue sa lungsod.

Pinapurihan ni Mayor Mon ang pagsisikap ng Barangay Officials sa pagsasagawa ng lingguhang clean-up drives at kinilala ang kanilang dedikasyon upang mapanatili ang malinis at malusog na kapaligiran.

Gayunman, iginiit ng alkalde na kailangang palawakin pa ang naturang mga hakbang para mapabilang sa mas komprehensibong “Search and Destroy” Approach.

Mahalaga rin aniya na ma-educate ang mga residente tungkol sa dengue transmission, mga sintomas at preventive measures, kasabay ng paghimok sa mga opisyal na ipagpatuloy ang pagpapakalat ng impormasyon sa pamamagitan ng community meetings, public announcements, at social media.

ricky
A seasoned broadcast journalist, a former news reporter/anchor of Inquirer Television/Radio Inquirer-Manila under the Inquirer Group of Companies (IGC).