Apektado na ng African Swine Fever (ASF) ang Calbayog City sa Samar.
Batay sa updated Zoning Status na inilabas ng National ASF Prevention and Control Program, deklarado nang ‘Red Zone’ o ‘Infected Zone’ ang lungsod kasama ang 7 pang lugar sa lalawigan ng Samar.
Kabilang sa mga deklaradong ASF ‘Infected Zone’ sa Samar ang Calbayog City, Calbiga, Daram, Hinabangan, Pinabacdao, San Sebastian, Talalora at Paranas.
Sa buong Region 8 ay 23 lungsod o munisipalidad ang apektado ng ASF.
Kabilang dito ang 9 Cities o Municipalities sa Leyte, 1 (Mondragon) sa Northern Samar,
8 sa Samar at 5 sa Southern Leyte.
Ang buong lalawigan ng Biliran ay nananatiling nasa “Free Zone”.
Habang sa Eastern Samar naman ay may mga lungsod o munisipalidad na nasa Yellow o Surveillance Zone at nasa Pink o Buffer Zone.