ISANG ginang ang nagsilang ng sanggol sa kasagsagan ng malaking sunog sa Tondo, Maynila.
Ayon sa ilang opisyal ng barangay, mga responder mula sa Philippine Red Cross ang nagpaanak sa ginang sa gitna ng sunog.
Nasa pangangalaga na ng Tondo Medical Center ang ina at ang kanyang bagong silang na baby girl.
Samantala, halos dalawanlibong pamilya o mahigit walunlibong residente ang nawalan ng tirahan dahil sa sunog sa Road 10, Barangay 105.
Sabado nang hapon nang sumiklab ang sunog habang pasado hatinggabi na nang ito ay maapula.
