HANGGANG sa huling laro sa group stage ay naging mailap ang panalo sa Gilas Pilipinas dahilan para hindi na ito makaabante sa second round ng FIBA World Cup 2023.
Bigo ang Gilas na padapain ang koponan ng Italy na number 10 sa world ranking, sa kanilang laban kagabi, sa Araneta Coliseum.
Sa score na 90-83, tinalo ng Italians ang Gilas, at pasok na ang koponan sa second round ng World Cup, kasama ang Dominican Republic.
Tatlong sunod na talo ang tinamo ng pambansang koponan sa group stage ng torneyo.
