NAKAPAGTALA ng double-digit na pagbaba ang Foreign Direct Investment (FDI) Net Inflows noong Setyembre, batay sa datos na inilabas ng Bangko Sentral ng Pilipinas (BSP).
Bumagsak sa 368 million dollars ang net inflow noong ika-siyam na buwan, katumbas ng 36.2 percent na pagbaba mula sa 577-million dollar net inflows na naitala noong Sept. 2023.
Mas mababa rin ito kumpara sa 815-million dollar net inflows noong Agosto, at pinakamababa sa loob ng tatlong taon, base sa datos simula noong January 2022.
