Bumaba ang agriculture production ng bansa sa ikalawang quarter ng 2024 sa gitna ng matinding pinsala ng El Niño phenomenon sa mga pananim at African Swine Fever (ASF) na patuloy na nakaaapekto sa local hog production.
Ayon sa Philippine Statistics Authority (PSA), bumagsak ng 3.3% o sa 413.91 billion pesos ang halaga ng agriculture and fisheries production noong Abril hanggang Hunyo, mula sa 427.9 billion pesos na naitala sa kaparehong panahon noong nakaraang taon.
Inihayag naman ng Department of Agriculture na ang pagbagsak ng produksyon ay naagapan ng expansions sa poultry at fishery subsectors, pati na ang lumalawak na resilience sa livestock sector sa harap ng ASF outbreak.
