Posibleng lumago ng mahigit anim na porsyento ang ekonomiya ng Pilipinas ngayong ikalawang quarter ng 2024.
Ayon sa British banking giant na HSBC, ito ay dahil sa base effects at improved government spending.
Inihayag ng HSBC na ang pagtapyas ng taripa sa bigas ay maaring ring magdagdag ng 1.4 percent sa overall growth ngayong taon.
Sinabi ni Aris Dacanay, Economist for ASEAN sa naturang banking giant, posibleng lumago ang Gross Domestic Product (GDP) ng bansa ng mas mataas sa 6 percent ngayong second quarter kumpara sa 5.7 percent noong first quarter at 4.3 percent simula Abril hanggang Hunyo ng 2023.
Nangangahulugan na posibleng pumasok ito sa 6 to 7 percent target ng pamahalaan ngayong 2024.