Niño Muhlach, ipinagtanggol ang relasyon ng ama sa mas nakababatang partner

Dinepensahan ni Niño Muhlach ang kanyang ama na si Alex Muhlach, ilang araw makaraang mapaulat ang relasyon ng dating aktor sa trenta anyos na non-showbiz girlfriend.

Si Alex na mag- 82 years old sa June 9, ay romantically involved sa isang Mae Fortaleza na mas bata sa kanya ng limampu’t dalawang taon at ayon sa couple ay noon pang 2014 nagsimula ang kanilang relasyon.

Umani naman ito ng samu’t saring reaksyon mula sa mga netizen, at karamihan dito ay pinuna ang kanilang age gap.

Sa pamamagitan ng facebook, sinagot ni Niño ang mga bashers sa pagsasabing hindi ba sila natutuwa na mayroong dalawang tao na nagmamahalan.