Eastern Visayas Council, humihirit ng 1.17 billion pesos para sa pagsasaayos ng San Juanico Bridge

NAGPASA ng resolusyon ang Regional Development Council (RDC) na humihiling sa Office of the President na agad i-release ang 1.17 billion pesos na pondo para sa rehabilitasyon ng San Juanico Bridge ngayong taon.

Sinabi ni RDC Infrastructure Committee Chairman Edgar Tabacon, na siya ring regional director ng Department of Public Works and Highways (DPWH), na naiabot na nila ang kopya ng resolusyon kay Pangulong Ferdinand Marcos Jr. nang bisitahin ng punong ehekutibo ang San Juanico Bridge noong Miyerkules.