DPWH, humihirit ng 140 million pesos na Repair Fund para sa Calbiga Bridge sa Samar

HUMIHIRIT ang Department of Public Works and Highways (DPWH) Samar 2nd District Engineering Office ng 140 million pesos para sa Retrofitting at Repair ng Calbiga Bridge.

Kasunod ito ng Structural Assessment, kamakailan, kung saan natuklasan ang iba’t ibang problema na nakaaapekto sa Stability ng tulay.

Saklaw ng Proposed Fund ang Retrofitting ng mahahalagang Components ng tulay sa kahabaan ng Maharlika Highway, kabilang ang Expansion Joint, Damaged Bearing at Restraint Steel Bed, at Corroded Bottom Flanges ng Girders.