DA, pinag-aaralang magtakda ng maximum SRP sa bawang at itlog

IKINU-konsidera ng Department of Agriculture (DA) ang pagpapatupad ng panibagong serye ng Maximum Suggested Retail Price (MSRP).

Balak ng ahensya na ipatupad ito ngayon sa bawang at itlog.

Gayunman, sinabi ni Agriculture Secretary Francisco Tiu Laurel Jr. Na kailangan pang maghintay para sa pagtatakda ng maximum price cap sa imported na bawang dahil ang pangunahing tinututukan ng ahensya sa ngayon ay ang pagkontrol sa presyo ng bigas at karneng baboy.

Inihayag ni Tiu Laurel na ang panukala sa pagpapatupad ng MSRP sa bawang ay napag-usapan na pero itinigil muna matapos bumagsak sa 100 pesos ang presyo nito mula sa pinakamataas na 160 pesos per kilo.