Inanunsyo ng Canadian singer na si Carly Rae Jepsen ang engagement nila ng Grammy-winning producer na si Cole Marsden Greif-Neill, a.k.a. Cole M.G.N., matapos ang dalawang taong pagde-date.
Ibinahagi ni Jepsen ang magandang balita sa Instagram na may straight-up caption na “very engaged over here.”
Sinamahan pa niya ito ng larawan nilang magkasintahan, habang suot ang kanyang bagong singsing.
Nagpaabot naman ng pagbati ang kapwa nila celebrities, kabilang ang American dancer-actress na si Julianne Hough at singer-songwriter na si Bonnie Mckee.
