INILABAS na ng Philippine Olympic Committee (POC) ang inisyal na roster ng Gilas Pilipinas para sa Asian Games.
Base sa listahan na isinumite ng Samahang Basketbol ng Pilipinas sa poc, ang Gilas Team na sasabak sa Asian Games ay bubuuin nina Kiefer Ravena, Scottie Thompson, Roger Pogoy, June Mar Fajardo, CJ Perez, Japeth Aguilar, Jamie Malonzo, Chris Newsome, Calvin Oftana, Brandon Ganuelas, Justin Brownlee at Ange Kouame.
Sa parehong listahan, nakasaad pa rin ang pangalan ni Chot Reyes bilang head coach at si Tim Cone bilang assistant coach.
Gayunman, iaanunsyo pa ng SBP kung magkakaroon ng pagbabago sa magiging coach ng Gilas.
Magugunitang inanunsyo na ni Reyes ang pag-alis sa Gilas matapos amining bigo silang mag-perform sa FIBA World Cup.
