UMAKYAT sa 27.2 percent ang bilang ng pamilyang Pilipino na nakaranas ng involuntary hunger sa nakalipas na tatlong buwan, batay sa pinakahuling survey ng Social Weather Stations (SWS).
Mas mataas ito kumpara sa 25.9 percent noong December 2024, at pinakamataas simula nang maitala ang record high na 30.7 percent noong kasagsagan ng COVID-19 pandemic noong Sept. 2020.
Sa March 15 to 20 survey na kinomisyon ng Stratbase group at nilahukan ng 1,800 respondents, lumitaw na mas mataas ng 6 percent ang involuntary hunger ngayong buwan kumpara sa 21.2 percent noong Pebrero.
Sa 27.2 percent families na nakaranas ng gutom, 21 percent ang dumanas ng moderate hunger o isang beses lang nagutom habang 6.2 percent ang dumanas ng severe hunger o ilang beses nagutom sa nakaraang tatlong buwan.
