TUMAAS ang bilang ng mga Pilipinong walang trabaho noong Enero, batay sa resulta ng labor force survey ng Philippine Statistics Authority (PSA).
Sa press conference, sinabi ni Deputy National Statistician at PSA Assistant Secretary Divina Gracia Del Prado, na umakyat sa 2.16 million ang bilang ng mga pinoy na walang trabaho, edad labinlima pataas, sa unang buwan ng 2025.
Mas mataas ito kumpara sa 1.63 million unemployed individuals noong December 2024.
Dahil dito, bumaba naman ang bilang ng employed Filipinos noong Enero sa 48.49 million mula sa 50.19 million noong Disyembre.
