Beauty pageant contestant at Israeli boyfriend, nagtamo ng tig-2 tama ng bala sa katawan, batay sa autopsy ng NBI

NAGTAMO ng tig-dalawang tama ng baril ang beauty pageant contestant at Israeli boyfriend nito, batay sa autopsy na isinagawa ng National Bureau of Investigation.

Ayon kay NBI Director Jaime Santiago, ang beauty pageant contestant na si Geneva Lopez ay binaril sa likod na tumagos sa dibdib at hita, habang ang kasintahan nito na si Yitshak Cohen ay may mga tama ng bala sa dibdib at malapit sa kilikili.

Sinabi ni Santiago na may natagpuang bala sa katawan ni Lopez na isinumite na para sa ballistics examination.