PATAY ang isang 7-taong gulang na babae habang limampung pamilya ang nawalan ng tirahan matapos sumiklab ang sunog sa residential area sa Ube at Ugnayan Streets, Golden Acres, Barangay Talon uno, sa Las Piñas City Linggo ng hapon, July 20.
Ang bangkay ng bata ay natagpuan sa loob ng comfort room ng nasunog na bahay at hinihinalang nasawi ito dahil sa Suffocation.
Sa inisyal na ulat ng Las Piñas Fire Department, umabot sa ikalawang alarma ang sunog bago ito tuluyang naapula.
Nahirapan ang mga bumbero sa pag-apula ng sunog dahil pawang gawa sa Light Materials ang mga kabahayan sa lugar.
Pansamantalang nanunuluyan ngayon ang mga nasunugan sa Golden Acres Covered Court.
