PATAY an usa nga lalaki kahuman ini pusilon sa Brgy. Casab-Ahan, Gandara, Samar, pasado alas 3:10 san kulop san Biyernes, October 6, 2023.
Base san police blotter report, guin kilala an biktima nga si Roldan Pesidas y Escal, may asawa, supervisor san Achiever security agency, residente san Brgy. Canhawan, Catbalogan City.
Nahipatik liwat dida san police report nga aspirante sa pagka-Brgy. kagawad sa Brgy. Caghawan Gote sa Catbalogan City an biktima.
Samtang iguin susurat ini nga police report in waray pa kahikilal-i an mga suspetsado.
Nahibaruan nga samtang guin mamaneho san biktima an iya motorsiklo sa Maharlika Highway sakop san Brgy. Casab-Ahan, Gandara Samar tikang sa Calbayog City tipakadto sa South nga direksiyon in tigda nala nga sumulpot ang duha nga lalaki nga magka-angkas sa motor nga Yamaha Max 155 ngan iguin paputukan si Pesidas.
Nagpapadayon an pagtugaygay san mga kapulisan san mga kriminal.