PINANGUNAHAN ni Pangulong Ferdinand “Bongbong” Marcos Jr. ang paglulunsad ng bente pesos na kada kilo ng bigas sa Bacoor, Cavite.
Sinaksihan ng pangulo ang bentahan ng murang bigas, kasama si Agriculture Secretary Francisco Tiu Laurel Jr., sa Zapote Public Market.
Kabuuang limandaang sako ng bigas, na binili ng National Food Authority (NFA) sa mga lokal na magsasaka, ang diniliber sa pamamagitan ng Kadiwa ng Pangulo Outlet ng Department of Agriculture, sa naturang palengke.
Ang maari lamang makabili ng lima hanggang sampung kilo ng murang bigas ay mula sa vulnerable sector, kabilang ang mga benepisyaryo ng 4Ps, senior citizens, persons with disability, at solo parents.
