IGUIN tanggal san Santo Papa an usa nga padi sa Diocese of Borongan tungod san reklamo nga sexual abuse ngada san mga minor de edad.
An desisyon ni Pope Francis nga tanggalon sa pagkapadi si Pio Aclon in guin anunsiyo sa mga parokya Dominggo nga adlaw, September 17, 2023.
“He is, therefore, no longer a cleric and cannot exercise priestly ministry in the Church,” sumala san circular nga iguin palusad san diocese.
An aviso in iguin basa sa ngatanan nga mga parokya, mga kapilya ngan mga buhatan san simbahan nga nasasakupan san Diocese of Borongan yana nga Domingo.
Waray na maghatag pa dugang nga impormasyon an nasabi nga circular mahiunong san personalidad san nasabi padi.