LIMA katao ang patay, kabilang ang isang bata, habang mahigit dalawandaang iba pa nasugatan, matapos araruhin ng sasakyan ang mga tao sa isang Christmas Market sa Magdeburg City sa Germany.
Sa kanyang pagbisita sa pinangyarihan ng krimen, sinabi ni Reiner Haseloff, Prime Minister ng Saxony-Anhalt State, na hindi kapani-paniwala ang nangyayari sa Germany.
Ayon sa German Authorities, naaresto ang suspek na singkwenta anyos na lalaki mula sa Saudi Arabia na naninirahan sa Germany simula 2006 at nag-trabaho bilang Doktor sa kalapit na bayan.
Naniniwala naman ang mga awtoridad na mag-isa lamang na ginawa ng suspek ang krimen at wala pang inilalabas na anumang impormasyon tungkol sa posibleng motibo sa naturang pag-atake.
