APAT na jail officers ang ginawaran ng parangal dahil sa kanilang katapangan kasunod ng ambush habang ibina-biyahe ang isang Chinese inmate patungong Parañaque City noong April 7.
Sinabi ni Bureau of Jail Management and Penology (BJMP) Chief Ruel Rivera, na pinagkalooban ng apat na personnel ng Medalya ng Sugatang Magiting at Medalya ng Kagalingan.
Aniya, ang kanilang mabilis at mahusay na tugon ay sumasalamin ng kanilang katapangan, propesyonalismo at tunay na serbisyo-publiko.
Ibina-biyahe ng jail officers ang trenta’y siyete anyos na Person Deprived of Liberty na si Hu Yang patungo sa pasilidad nito sa Barangay La Huerta sa Parañaque matapos ang hearing sa Makati City nang dalawang sasakyan ang humarang sa kanilang daan at pinaulanan sila ng bala.
Nakipagpalitan ng putok ang jail officers sa tulong ng Parañaque police hanggang sa sumalpok sa puno ang isa sa mga sasakyan ng mga suspek.
Anim na suspek ang naaresto habang isa sa mga jail officer ang tinamaan ng bala sa balikat, at naibalik sa kulungan ang PDL.
