SA harap ng inaasahang pagdagsa ng mga biyahero para sa Semana Santa, nagbigay ang Land Transportation Franchising and Regulatory Board (LTFRB) ng special permits sa mahigit isanlibong bus.
Inihayag ni LTFRB Chairperson, Atty. Teofilo Guadiz III, na naglabas ang ahensya ng kabuuang 1,018 special permits, as of April 8, 2025.
Layunin ng paglalabas ng special permits na dagdagan ang supply ng provincial buses sa kasagsagan ng pagdagsa ng mga pasahero na uuwi sa mga probinsya para gunitain ang Kwaresma.
Ayon sa LTFRB, valid ang special permits simula April 11 hanggang 27.
