INANUNSYO ng Armed Forces of the Philippines (AFP) na nakumpleto ng Rotation and Resupply (RORE) Mission sa BRP Sierra Madre sa Ayungin Shoal nang walang anumang untoward incident.
Sinabi ng AFP na isinagawa ang RORE Mission sa pakikipagtulungan ng Philippine Coast Guard (PCG).
Sinamantala rin ng militar ang pagkakataon upang bigyan ng pagkilala ang mga sundalong Pilipino, sa pagdiriwang ng araw ng kagitingan.
Inihayag ng AFP na kinikilala nila ang sigasig at dedikasyon ng mga sundalong nakatalaga sa BRP Sierra Madre na patuloy na nagbabantay sa West Philippine Sea upang pagtibayin ang soberanya at karapatan ng bansa, pati na ang national interest.
