TATLUMPU’T apat na pampubliko at pribadong paaralan sa buong Eastern Visayas ang tinukoy bilang pilot sites ng Revised Senior High School Program.
Ito, ayon kay Ronilo Al Firmo, Assistant Regional Director ng Department of Education (DepEd) Eastern Visayas, sa isang press conference, na ginanap sa Leyte National High School sa Tacloban City.
Mula sa 34 pilot schools, tatlumpu ang public schools habang apat ang private schools.
Kinabibilangan ito ng tig-limang paaralan sa Baybay City at Ormoc City; tig-apat sa Eastern Samar at Northern Samar; tig-tatlo sa Biliran, Leyte at Catbalogan City; tig-dalawa sa Tacloban City at Calbayog City; at isa sa Borongan City.
