TATLONG indibidwal ang inaresto ng National Bureau of Investigation (NBI) sa Pasay City dahil sa umano’y pagbebenta ng registered sim cards.
Ayon sa NBI-Cybercrime Division, dinakip sa magkahiwalay na operasyon angmga suspek na kinilalang sina Beverly Cruz, Keone Lebumfacil, at Aljon Reyes.
Nag-ugat ang operasyon ng NBI mula sa impormasyon na nagbebenta ang mga suspek sa Facebook ng registered sim cards na pinaniniwalaang ginagamit sa mga panloloko.
Kabuuang isanlibo dalawampu’t tatlong (1,023) sim cards ang narekober mula sa mga suspek na iprinisinta na sa inquest proceedings sa Office of the City Prosecutor sa Pasay kaugnay ng paglabag sa Cybercrime Prevention Act of 2012.
