277 Million Pesos na halaga ng shabu, nasamsam sa isang sasakyan malapit sa Port of Allen sa Northern Samar

AABOT sa 277 Million Pesos na halaga ng shabu na nasa loob ng isang kotse ang nasabat malapit sa Port of Allen, sa Northern Samar.

Ayon sa Northern Samar Provincial Police Office (nsppo), nakabalot ang iligal na droga na tumitimbang ng 37 kilos sa kulay itim na plastic.

Kinumpiska ng highway patrol team ang illegal drugs sa isang checkpoint sa Barangay Jubasan, ilang metro lamang ang layo mula sa pantalan, na gateway ng rehiyon patungong Luzon.

Hinarang ng mga pulis na nagmamando sa checkpoint ang Toyota Avanza dahil hindi naka-seatbelt ang driver at hindi ito nakapagprisinta ng proof of ownership at rehistro ng sasakyan.