NAKAPAGTALA ang bansa ng surplus sa Balance of Payment (BOP) noong Mayo, kabaliktaran mula sa deficit na nai-record sa kaparehong buwan noong nakaraang taon.
Sa datos na inilabas ng Bangko Sentral ng Pilipinas (BSP), umabot ang BOP surplus noong nakaraang buwan sa 2 billion dollars kumpara sa 439-million dollar deficit noong May 2023.
Ang BOP surplus noong Mayo ay repleksyon ng inflows mula sa Net Foreign Currency Deposits ng National Government sa BSP, kabilang ang kinita mula sa pag-iisyu ng global bonds, at net income mula sa investment board ng Central Bank.
Sa unang limang buwan ng taon, nakapagtala ang bansa ng surplus sa BOP na 1.6 billion dollars, mas mababa kumpara sa 2.9 billion dollars noong Enero hanggang Mayo ng 2023.
