BIBIDA sa bagong action movie si dating Senador Manny Pacquiao at American-Korean actor Ma Dong-Seok, na kilala rin bilang Don Lee.
Sinabi ni dating Ilocos Sur Governor at Movie Producer Luis “Chavit” Singson, na nagkita na ang pambansang kamao at “train to busan” actor nang magtungo sila sa South Korea.
Aniya, may kasamang boksing ang gagawin nilang pelikula na babagay para kay Manny.
Idinagdag ng dating Gobernador na mayroong ibang eksena sa pelikula na kukunan sa Pilipinas, at plano rin aniya ni Lee na magtayo ng studio sa Vigan.
Bukod sa kanyang tumatak na karakter sa Train to Busan, nakilala rin si Lee sa kanyang pagganap sa “eternals” ng Marvel.