NAKAHAKOT ang Metropolitan Manila Development Authority (MMDA) ng 138 na tonelada ng basura sa isinagawang clean-up operation sa Manila Bay mula July 1 hanggang August 5.
Kabilang rito ang sari-saring basura na inanod patungo sa pampang ng Manila Bay dahil sa malakas na ulan dala ng ilang bagyo at habagat noong mga nakaraang linggo .
Panawagan ng MMDA sa publiko, maging responsableng tagapangalaga ng kalikasan sa pamamagitan ng pagtatapon ng mga basura sa tamang lugar at mag-recycle ng basura na maaari pang mapakinabangan.
Ayon pa sa ahensiya, iwasan ang pagtatapon kung saan-saan na maaaring mapunta sa Manila Bay.
