Sea travel sa ilang bahagi ng Northern Samar, sinuspinde ng Coast Guard dahil sa epekto ng amihan

SINUSPINDE ng Philippine Coast Guard (PCG) ang sea travel sa ilang bahagi ng Northern Samar bunsod ng inaasahang epekto ng northeast monsoon o amihan.

Sa Notice to Mariners, sinabi ng PCG Station sa Northern Samar na lahat ng sea vessels na dumadaan sa ruta sa loob ng northeastern portions ng northern at eastern coasts ng Northern Samar ay bawal umalis ng port.

Saklaw ng abiso ang mga bayan ng Biri, Rosario, San Jose, Bobon, Catarman, Mondragon, San Roque, Pambujan, Laoang, Palapag, Mapanas, Gamay, Lavezares, at Lapig, na pawang nasa Samar Provinces.