Energy Forum, pinangunahan ng APEC Partylist sa SAMELCO-1

NAGDAOS ng energy forum ang Association of Philippine Electric Cooperative o APEC Partylist sa SAMELCO -1 grounds sa Calbayog City, araw ng Huwebes, January 30, 2025.

Sumentro ang usapin sa mga programa ng APEC Partylist na karamihan ay naisabatas na tulad ng EPIRA Law, na ang layunin ay pababain ang presyo ng kuryente.

Ipinaliwanag ni APEC Partylist Representative Sergio C. Dagooc na nag-file din siya ng panukalang batas para i-extend ang operasyon ng Philippine Wholesale Electricity Spot Market o PWESM. Bukod dito ay may ibat-ibang mga batas na aniya na inakda ang kanilang grupo na ngayon ay pinakikinabangan na ng mga electric consumers.

Ikinadismaya naman ni Dagooc ang aniya ay kawalan ng expertise o kaalaman man lamang ng mga humahawak ng komitiba ng enerhiya sa senado dahilan para hindi nila lubos na maintindihan ang mga hinaing nang nasa power sector at power industry.

Hiniling naman ng opisyal ang suporta ng mga empleyado at member consumers ng SAMELCO-1 para maipagpatuloy ang pagkakaroon ng kinatawan ng APEC sa Kongreso.