Posibleng dumating na ang mga unang 6G-capable devices pagsapit ng 2028, ayon sa Qualcomm sa kanilang Snapdragon Summit na ginanap nitong Setyembre 23-25 sa Maui, Hawaii.
Ano nga ba ang 6G?
Ang 6G ay ang susunod na henerasyon ng wireless technology pagkatapos ng 5G. Inaasahan na magiging hanggang 100x na mas mabilis ito kumpara sa kasalukuyang 5G, may halos zero latency, at kayang mag-connect ng mas maraming devices nang sabay-sabay.
Smart Glasses, susunod na gadget at bagong mukha ng teknolohiya
Mga batang innovator sa Robotics at AI, nagtagisan sa WRO-Asia Pacific Open Championship 2025 sa Manila
PhilSA, maglulunsad ng advanced satellite para sa bagyo at kalikasan
PH telcos nagsimula nang mag-deploy ng “Laser Internet” sa Pilipinas
Hindi lang ito tungkol sa mas mabilis na internet sa phone. Ang 6G ang magbubukas ng daan para sa mas advanced na teknolohiya tulad ng:
- holographic communication at virtual reality na parang totoo,
- smarter artificial intelligence (AI) na integrated sa daily life,
- smart cities na kayang mag-manage ng traffic, enerhiya, at seguridad in real time,
- mas makabagong Internet of Things (IoT) kung saan halos lahat ng bagay ay connected — mula appliances hanggang transport systems.
Sa madaling salita, ang 6G ay hindi lang upgrade — ito ang magiging pundasyon ng digital future.
Para sa Pilipinas, malaking bagay ang maagang paghahanda dahil madalas nahuhuli ang bansa sa pag-deploy ng bagong telco technology. Kapag hindi nakasabay, lumalaki ang digital divide sa pagitan ng urban at rural areas, at naiipit ang mga estudyante, negosyo, at manggagawa na umaasa sa mabilis na connectivity.
