INILUNSAD ng Metropolitan Manila Development Authority (MMDA) ang kanilang website para sa traffic violators na nahuli sa pamamagitan ng No Contact Apprehension Policy (NCAP).
Ayon kay MMDA Chairperson Don Artes, sa pamamagitan ng “May Huli Ka” website ay matse-check ng mga motorista sa pamamagitan ng online, kung nakagawa sila ng anumang paglabag sa trapiko.
Ang website ay maaring ma-access sa pamamagitan ng phones, tablets, at computers.
Kapag nasa website na, kailangang i-type ng mga motorista ang kanilang plate number o conduction number, kasama ang kanilang Motor Vehicle File Number.
