NASAKOTE ng PNP Criminal Investigation and Detection Group (CIDG) ang tatlong Vietnamese citizens dahil sa umano’y pagsasagawa ng cosmetic procedures nang walang kaukulang medical license sa bansa.
Kinilala ng PNP ang tatlong Vietnamese nationals na sina Dr. Julie Nguyen, Dr. Luna Pham, at Dr. Ryan Truong.
Ipinakilala ng mga suspek ang kanilang mga sarili bilang mga doktor na nagsasagawa ng injection ng stem cells, hair regrowth, body sculpture, bio stimulation collagen, at derma-related producers, sa Imus, Cavite.
Gayuman, sinabi ng mga awtoridad na nabigo ang mga dayuhan na magprisinta ng required licenses at permits, para mamahagi ng medical products, mag-operate ng medical facility, o mag-practice ng medisina sa Pilipinas.
Nakumpiska ng PNP-CIDG ang kahon-kahon na iba’t ibang klase ng mga gamot, medical at cosmetic products at related devices, at notebooks kung saan naka-dokumento ang medical procedures, prescription medications, at mga resibo na inisyu sa mga kliyente.
