MAY bagong librong isusulat at ilalathala si Vice President Sara Duterte.
Sa kaniyang pahayag, sinabi ng Bise Presidente na matapos ang librong may pamagat na ‘Isang Kaibigan’, sunod niyang isusulat ang libro tungkol sa “Pagtataksil ng Isang Kaibigan”.
Sa naturang pahayag, itinanggi din ni VP Sara na kinopya ang librong ‘Isang Kaibigan’.
Aniya, layunin ng paglathala ng nasabing libro na mahikayat ang mga bata na mahalin ang pagbabasa at sumulat ng sarili nilang kwento.
Hindi rin aniya ang libro ang problema ng bayan kundi ang kahinaan sa pagbabasa ng mga kabataan.
