PUMANAW na ang Award-Winning US Actress na si Gena Rowlands, na mas nakilala sa mga pelikula ng kanyang first husband na si Director John Cassavetes, sa edad na 94.
Ayon sa US entertainment publication na TMZ, binawian ng buhay si Rowlands sa kanyang bahay sa Indian Wells, California.
Walang inilabas na official cause of death ng veteran actress, subalit una nang isiniwalat ng kanyang anak na si Nick Cassavetes noong Hunyo na limang taon nang may Alzheimer’s Disease si Gena.
Si Nick ang Director ng pelikulang “The Notebook” na pinagbidahan nina Ryan Gosling at Rachel Mcadams noong 2004.
