INANUNSYO ng COMELEC na obligado nang magpareshistro ang lahat ng survey firms sa poll body tuwing eleksyon.
Kasunod ito ng pag-apruba ng en banc sa COMELEC Resolution No. 11117, kung saan nakasaad na sinumang personalidad, natural o juridical, kandidato o organisasyon, na nagsasagawa ng election survey, ay kailangang magrehistro sa Political Finance and Affairs Department (PFAD) ng komisyon.
Sinabi pa ng poll body na pre-registered entities lamang ang awtorisadong magsagawa at ipabatid sa publiko ang election surveys.
Gayunman, ang mga kumpanya na nakapag-survey na bago inilabas ang naturang resolusyon, ay mayroong labinlimang araw para mag-register sa COMELEC.
