TINANGGAP ni Calbayog City Mayor Raymund “Monmon” Uy ang certificate of turnover mula kay Pangulong Ferdinand “Bongbong” Marcos Jr. para sa Sigo Bridge at Barral II Bridge.
Ang tulay ay ipinatupad sa ilalim ng “Tulay ng Pangulo para sa Kaunlarang Pang-agraryo” Program ng Department of Agrarian Reform (DAR).
Ginanap ang turnover ceremony sa pamamahagi ng mga titulo ng lupa at support services sa Tacloban City Convention Center, sa Leyte.
Ang pagtanggap ni Mayor Mon ng certificate of turnover mula sa pangulo ay simbolo ng matagumpay na pagkumpleto at pagkakaloob ng mahalagang infrastructure project na pakikinabangan ng mga residente ng Calbayog City.
