NAGHAHANDA na ang Department of Social Welfare and Development (DSWD) para sa release ng 1.66 billion pesos na social pension ng indigent elderlies sa Eastern Visayas para sa second semester ng taon.
Ayon kay DSWD Regional Information Officer for Social Pension Ivan Malquez, para ikalawang semestre ng taon ay magkakaroon ng pagbabago sa distribution mula semestral patungong quarterly basis.
Bunsod nito, asahan aniya ng mga senior citizen sa Region 8 ang payout sa Setyembre para sa third quarter at sa Disyembre naman ang para sa fourth quarter.
Sa unang semester ng 2024, inilipat ng DSWD ang 1.66 pillion pesos sa local government units para distribution ng social pension sa eligible seniors.
Alinsunod sa Republic Act 11916, o an act increasing the Social Pension of Indigent Senior Citizens, itinaas sa P1000 mula sa P500 kada buwan ang naturang pensyon upang masuportahan ang pang-araw-araw na pangangailan at gamot ng mahihirap na matatanda.
