AMINADO ang nagbitiw na senate president na si Senador Juan Miguel “Migz” Zubiri na heartbroken siya sa kinahinatnan ng kanyang liderato.
Sinabi ni Zubiri na hindi naman siya naging kalaban ng administrasyon subalit aminadong ang hindi niya pagsunod sa mga instructions ang naging dahilan ng tuluyang pagpapalit sa kanya bilang lider ng senado.
Pilipinas, isinantabi ang pagde-deploy ng Navy Ships sa Panatag Shoal
Mosyon ng Kamara sa nabasurang Articles of Impeachment laban kay VP Sara, ipinababasura sa Supreme Court
Comprehensive Economic Partnership Agreement, lalagdaan na ng Pilipinas at UAE
AKAP Program, magpapatuloy sa kabila ng Zero Proposed Budget para sa 2026
Nangako naman ang senador na magpapatuloy siya sa pagsuporta sa independence ng senado, kasabay ng kanyang pasasalamat sa mga sumuporta sa kanya.
Malaking karangalan aniya ang paglilingkod sa taumbayan bilang senate president.
Inamin ni Zubiri na nalulungkot siya dahil ginawa niya ang lahat upang protektahan ang independence ng senado subalit iba talaga ang galawan sa pulitika kaya’t wala silang magagawa.
Taas noo pa rin aniya siyang magsisilbi bilang senador ng bayan.
Samantala, nagresign din sina Senador Joel Villanueva bilang Senate Majority Leader; Senador JV Ejercito bilang Senate Deputy Majority Leader at Senador Sonny Angara bilang Chairman ng Senate Committee on Finance at Senate Committee on Youth.
