Rice Imports  ng Pilipinas ngayong taon, hindi aabutin ng 4.7 million metric tons sa kabila ng tariff cut, ayon sa DA

HINDI mag-i-import ang Pilipinas ng maraming bigas ngayong taon kumpara sa projection ng US Department of Agriculture (USDA), sa kabila ng tariff cut.

Sinabi ni Agriculture Secretary Francisco Tiu Laurel sa post-State of the Nation Address (SONA) Forum, sa Pasay City, na sa tingin niya ay hindi aabot sa 4.7 million metric tons ang aangkating bigas ng Pilipinas.

Ang tinutukoy ng kalihim ay ang forecast ng USDA na aabot sa 4.7 million metric tons ang rice imports ng bansa ngayong 2024.