SINIMULAN na ng Department of Justice (DOJ) ang kanselasyon ng passport ni Dating Presidential Spokesperson, Atty. Harry Roque sa Angeles City Regional Trial Court.
Si Roque ay nahaharap sa Qualified Human Trafficking at Regular Human Trafficking Cases sa Angeles City RTC kaugnay ng iligal na operasyon ng POGO sa Porac, Pampanga.
Sinabi ni Remulla na sa sandaling katigan ng korte ang kanselasyon sa pasaporte ni Roque, ay magiging undocumented alien ang dating opisyal ng Duterte Administration at magiging subject sa Deportation Proceedings.
Sa kasalukuyan ay humuhirit si Roque ng Asylum sa Netherlands dahil sa kanya umanong persecution sa Pilipinas.
