PATAY sa pananambang ang presidente ng Abono Party-List, sa Pangasinan.
Pauwi na sa bayan ng Umingan si Ponciano Onia Jr., limamu’t siyam na taong gulang lulan ng kanyang kotse, nang pagbabarilin ng mga salarin na sakay ng motorsiklo sa Barangay Lubong, sa Calasiao.
Binawian ng buhay ang biktima sa Umingan Community Hospital bunsod ng tinamong mga tama ng bala sa iba’t ibang bahagi ng katawan.
Walong basyo ng bala ng kalibre kwarenta’y singko ang narekober ng mga awtoridad sa pinangyarihan ng krimen.
Nabatid na tumatakbo si Onia bilang re-electionist sa May 2025 Elections.
