13 February 2025
Calbayog City
Overseas

Dating Defense Minister ng South Korea, inaresto dahil sa Martial Law

INARESTO ng South Korean Prosecutors ang dating defense minister na si Kim Yong-Hyun dahil sa kanya umanong papel sa deklarasyon ng martial law ni President Yoon Suk Yeol, ayon sa Yonhap News Agency.

Si Kim na nag-alok ng kanyang pagbibitiw noong Miyerkules, ay ang nakita bilang central figure ng panandaliang martial law declaration noong martes ng gabi.

Ayon sa Senior Military Official, si Kim ang nagpanukala ng martial law kay Yoon.

Tinanong ng special investigative team ng prosecution si Kim na boluntaryo namang humarap sa Seoul Central District Prosecutors’ Office.       

Idinagdag ng Yonhap na inisyuhan ng travel ban si Kim habang iniimbestigahan ito ng prosekusyon.

ricky
A seasoned broadcast journalist, a former news reporter/anchor of Inquirer Television/Radio Inquirer-Manila under the Inquirer Group of Companies (IGC).