NAMAYAGPAG ang PLDT sa pagbubukas ng 2025 AVC Champions League kontra Queensland Pirate ng Australia, sa score na 25-19, 25-12, 25-12, sa PhilSports Arena.
Nagawang makabawi ng High Speed Hitters mula sa 1-6 deficit sa pagsisimula ng match at nakumpleto ang sweep para makapagtala ng 1-0 sa Pool D.
Unang nagpakita ng lakas ang Queensland Pirates sa pamamagitan ng kanilang middle blocker na si Scarlett Ruder kaya nagkaroon sila ng 5-point advantage.
Gayunman, pinigilan ito nina Savi Davison at Wilma Salas dahilan kaya napasakamay ng PLDT ang panalo sa pagsisimula ng kanilang kampanya sa naturang torneyo.
Bukod sa PLDT, nanalo rin ang Creamline sa pagbubukas ng AVC Champions League matapos ding i-sweep ang Al Naser ng Jordan.
