PANG-worldwide na ang pagiging viral ng Pinoy Drag Performer na si Mac Coronel na mas kilala bilang si Taylor Sheesh.
Ito ay makaraang ma-feature sa episode ng Good Morning America si Coronel.
Sa episode ng US Morning Show, ipinakita ang mga viral Tiktok videos ni Sheesh habang ginagawa ang pag-impersonate sa idolo niyang si Taylor Swift.
Nakapanayam din ng programa si Sheesh sa pamamagitan ng online.
Ayon kay Sheesh, isa na siyang Swiftie simula pa noong 2009.
Plano niyang makapanood ng concert ng kaniyang idol sa Singapore.
